Bakıda qadınların qənimi olan keçmiş məhkumlar ələ keçdi - FOTO
Bakıda qadınların qənimi olan keçmiş məhkumlar ələ keçdi - FOTO
Noyabrın 22-də və 24-də Bakının Xətai rayonunda paytaxt sakini olan iki qadının çantasından pul və qiymətli əşyalar oğurlamaqda şübhəli bilinən, Bakı şəhər sakini Teymur Hüseynov və Kürdəmir rayon sakini Vasif Babayev saxlanılıblar. Onların hər ikisinin əvvəllər məhkum olduğu bildirilir.
Daxili İşlər Nazirliyindən Oxu.Az-a verilən məlumata görə, axtarış zamanı T.Hüseynovdan 0,159 qram və V.Babayevdən 0,172 qram narkotik vasitə olan heroin götürülüb.
Həyata keçirilən əlavə tədbirlərlə onların dekabrın 3-də 40 saylı marşrut xətti ilə hərəkət edən sərnişin avtobusunda Bakı şəhər sakini olan bir nəfərin cibindən mobil telefon oğurlamaları da müəyyən edilib.
Qeyd olunan faktlarla bağlı Xətai Rayon Polis İdarəsinin İstintaq Şöbəsində cinayət işi başlanılıb.
Oxu.Az yeniləndi!