Dek
2018
15:02
112
37
4807
Virtual karabakh

Ekspert: Badamdar sürüşmə zonası tamamilə çökə bilər

5 Dek, 2018
15:02
4807

Ekspert: Badamdar sürüşmə zonası tamamilə çökə bilər

Bizim WhatsApp kanalımıza buradan abunə ola bilərsiniz

Badamdar sürüşmə zonasında lay sınarsa, həmin ərazidə yerləşən binalar tamamilə çökəcək.

Bunu Oxu.Az-a açıqlamasında şəhərsalma məsələləri üzrə ekspert Cahangir Qocayev bildirib.

Onun sözlərinə görə, bunun üçün həmin ərazidə təcili mühafizə tədbirləri görülməlidir.

“Yoxsa Bayıl yaylasının çökməsini müşahidə edəcəyik. Torpağı su yuyub aparacaq”.

Cahangir Qocayev bildirib ki, keçmiş “Bayıl bazarı”nın qarşısında inşa edilən hündür binalar sökülməlidir:

“Yol kəsilməlidir. Əks təqdirdə ora da sürüşəcək. Bayılın adı da həmin dövrdə “torpağın bayılması” sözündən əmələ gəlib. Bayıl yaylasını eyni təhlükə gözləyir. Əvvəldən orada evlərin tikilməsinə icazə verilməməli idi. Mənim insanlara yazığım gəlir. Çünki insanlar evlərindən olacaq, dövlət də onlara kompensasiya vermək məcburiyyətində qalacaq”. 

“Bakının ən riskli sürüşmə zonaları Badamdar, Zığ yolu sayılır. Həmin ərazidə 16 mərtəbəli bina tikilmişdi. Daha sonra o binanın mərtəbələri azaldıldı”, - deyə qeyd edilib. 

Qeyd edək ki, bu barədə ilk məlumatı Movqe.az yayıb. 

İlhamə Əbülfət
www.oxu.az

Bizimlə əlaqə saxlayın

Digər Cəmiyyət xəbərləri