Ramiz Əzizbəylinin səhhəti pisləşdi

Xalq artisti Ramiz Əzizbəylidən pis xəbər var. Aktyorun vəziyyəti pisləşdiyi üçün o, özəl xəstəxanalardan birinə yerləşdirilib.

Oxu.Az xəbər verir ki, bu barədə “Bizimləsən” proqramında məlumat verilib.

Verilişin qonağı olan əməkdar artist Mehriban Zeynalova Ramiz Əzizbəylinin beyinin işemik insult xəstəliyindən əziyyət çəkdiyini və yenidən xəstəxanaya yerləşdirildiyini söyləyib.

Canlı yayımda telefonla əlaqə saxlayan Ramiz Əzizbəylinin qızı atasının barmağında qanqren başladığını və damarlarında tıxanma olduğunu söyləyib.