21 
Fev
2019
10:09
445
35
7251
Virtual karabakh

Türkiyənin “Haber Global” telekanalı Xocalı həqiqətlərindən danışacaq - VİDEO

21 Fev, 2019
10:09
7251

Türkiyənin “Haber Global” telekanalı Xocalı həqiqətlərindən danışacaq - VİDEO

Bizim WhatsApp kanalımıza buradan abunə ola bilərsiniz

Türkiyənin “Haber Global” telekanalı Xocalı soyqırımı ilə bağlı sənədli film hazırlayıb. 

Oxu.Az-ın məlumatına görə, filmdə 1992-ci il fevralın 26-da Azərbaycanın Xocalı şəhərində Ermənistan hərbi birləşmələrinin törətdiyi soyqırımla bağlı məlumatlar verilir.

Sənədli filmdə Ermənistan tərəfindən Azərbaycan xalqına qarşı törədilmiş XX əsrin ən böyük cinayətlərindən biri olan bu faciə haqqında geniş bəhs edilib, eləcə də, faciə şahidlərinin insanlığa yönəlmiş qanlı cinayət barədə fikirlərinə yer verilib.

Filmdə qeyd edilir ki, əsir düşənlərin məruz qaldığı işgəncələr tarixin utanc siyahısını da utandıracaq növdəndir.

Qeyd olunur ki, soyqırım zamanı 106-sı qadın, 63-ü uşaq, 70-i yaşlı insan olmaqla, 613 nəfər şəhid olub, daha 478 nəfər yaralanıb, 1275 nəfər isə əsir götürülüb. 150 nəfərin taleyi hələ də naməlumdur.

Şahidlərin dilindən hazırlanan “Bir İnsanlıq Utancı, Hocalı Soykırımı” adlı sənədli film fevralın 26-da Türkiyə vaxtı ilə 12:30 və 20:30-da (Bakı vaxtı ilə 13:30 və 21:30 – red.) “Haber Global” telekanalında yayımlanacaq.

Bizimlə əlaqə saxlayın

Digər Cəmiyyət xəbərləri