Sen
2014
12:20
100
13
4283
Virtual karabakh

Xalq artisti ailəsinə faicə yaşadan məmur oğlunu bağışlamadı

2 Sen, 2014
12:20
4283

Xalq artisti ailəsinə faicə yaşadan məmur oğlunu bağışlamadı

Bizim WhatsApp kanalımıza buradan abunə ola bilərsiniz

“Onun pulu mənim ailəmi, ölənlərimi geri qaytaracaqmı?”.

Həyat yoldaşı və azyaşlı nəvəsi faciəli şəkildə ölən Xalq artisti Ağasəlim Abdullayev "Azərbaycan Xəzər Dəniz Gəmiçiliyi” Qapalı Səhmdar Cəmiyyətinin (QSC) sabiq sədr müavini Mübariz Mədətovun oğlu Xalid Mədətovu bağışlamayacaq.

Oxu.Az xəbər verir ki, bu xalq artisti AzVision.az-a açıqlamasında peşman Xalid Mədətovun peşman olmasına baxmayaraq, onu bağışlamayacağını bildirib.

“Xalid Mədətovun bağışlanmasından heç söhbət də gedə bilməz. Onu heç vaxt bağışlamayacağam. Dünən Bakı Ağır Cinayətlər Məhkəməsində təqsirkar Xalid Mədətovun məhkəmə prosesi keçirildi .O peşmanlıq keçirdiyini, kompensasiya ödəmək istədiyini dedi. Ancaq onun kompensasiyası mənim nəyimə lazımdır. Onun ödəməsi mənim ölənlərimi geri qaytara bilməz. 

Məhkəmədə hər şey sübuta yetirildi. Məndən heç soruşanda olmayıb ki, onu bağışlayırsan, ya yox. Əvvəla bunu bağışlamazlar axı. Onu mən necə bağışlaya bilərəm ki, mənim iki nəfərimi öldürüb , o böyüklükdə mənə zərbə vurub. Növbəti məhkəmə prosesi sentyabrın 4-də baş tutacaq”-deyə tarzən konpensasiyanı qəbul etməyəcəyini bildirib. 

Qeyd edək ki, martın 15-i gecə saatlarında tanınmış tarzən Ağasəlim Abdullayev və ailə üzvləri Zığ yolu şosesində avtoqəzaya düşüblər. Hadisə zamanı A.Abdullayevin həyat yoldaşı Brilyant Abdullayeva və azyaşlı nəvəsi həlak olublar. Yol nəqliyyat hadisəsinin "Mersedes-Benz G-55" markalı avtomobilin sürücüsü Xalid Mədətov tərəfindən törədilməsinə kifayət qədər əsaslı şübhələr olduğundan o, şübhəli şəxs qismində tutularaq istintaqa cəlb olunub.

Sürücü Xalid Mədətov barəsində Cinayət Məcəlləsinin 263-1.4-cü (Yol hərəkəti və ya nəqliyyat vasitələrinin istismarı qaydalarını sərxoş halda və ya nəqliyyat vasitələrini idarə etmək hüququ olmayan şəxs tərəfindən pozma ehtiyatsızlıqdan iki və ya daha çox şəxsin ölümünə səbəb olduqda) maddəsi ilə cinayət işi açılıb.

X.Mədətov "Azərbaycan Xəzər Dəniz Gəmiçiliyi” Qapalı Səhmdar Cəmiyyətinin (QSC) sabiq sədr müavini Mübariz Mədətovun oğludur.

www.oxu.az

Bizimlə əlaqə saxlayın

Digər Cəmiyyət xəbərləri