Telman İsmayılov Kobzonun ad günündə - FOTO

Azərbaycanlı oliqarx Kobzona hədiyyə də verib.

Rusiya estradasının məşhur siması İosif Kobzon 77 yaşını qeyd edib. 

Oxu.Az Virtualaz.org-a istinadən xəbər verir ki, “Ekspress qazeta”nın əməkdaşı da bu ad günündə olub.

O, masada yeməklərin iki mərtəbə düzüldüyünü, mahnıların və şərabların səhərə qədər bitmədiyini, Kobzonun isə bir dəfə də dincəlmədən qonaqlarının qarşısında çıxış etdiyini yazır.

Qonaqlar arasında İosif Kobzonun dostu, Azərbaycan əsilli oliqarx Telman İsmayılov da olub. O, ad gününə arvadı ilə birlikdə gəlib və Kobzona saat bağışlayıb.

Rusiya kommunistlərinin lideri Gennadi Züqanov isə Kobzonu partiyasının təsis etdiyi “Krımın azad edilməsinə görə” medalı ilə təltif edib  və “Zoloto partii” arağı hədiyyə edib.

www.oxu.az