20 nömrəli məktəbin yeni görünüşü – VİDEO + FOTO
20 nömrəli məktəbin yeni görünüşü – VİDEO + FOTO
Bakı şəhərindəki 20 nömrəli məktəb-liseyin yeni inşa olunan binasının son görüntüləri yayılıb.
Oxu.Az baku.ws-ə istinadən xəbər verir ki, məktəbin 15 sentyabrda açılışı gözlənilir. 20 nömrəli məktəb-lisey ölkəmizin ən böyük təhsil müəssisələrindən biridir.
Bu tədris ocağında 111 sinifdə 2830 şagird təhsil alır. Əvvəlki dövrlərdə isə məktəb-liseydə 3200 nəfərədək şagird oxuyub. Məktəbdə çalışan 289 müəllimdən 5-i əməkdar müəllim, 5-i ilin müəllimi, 3-ü elmlər namizədidir.
Hazırda paytaxtın digər 2 məktəbində müvəqqəti yerləşdirilmiş 20 nömrəli məktəb-liseydə elektron təhsil müəssisəsi kimi bir sıra innovasiyayönümlü layihələr gerçəkləşdirilib.
Bu məktəb-lisey Bakı şəhərinin əhalinin ən sıx məskunlaşdığı ərazisində yerləşdiyinə görə təhsil müəssisəsinin yeni tikilən binasının müasir tələblərə uyğun inşa olunması nəzərdə tutulub. 3000 şagird yerlik layihələndirilmiş və 25000 kvadratmetr sahəsi olacaq yeni məktəbin 2017-2018-ci tədris ili üçün istifadəyə verilməsi planlaşdırılır. Məktəb-liseyin eskiz layihəsi və digər müvafiq sənədləri Bakı Şəhəri İcra Hakimiyyəti tərəfindən təsdiq edilib.
A.M.