Azərbaycanda onlayn seks-şop açıldı – FOTO + VİDEO

İntim oyuncaqlar evə çatdırılır.

Bakıda ilk dəfə onlayn xidmət göstərən seks-şop açılıb.

Oxu.Az xəbər verir ki, seks-şop öz fəaliyyətini Facebook sosial şəbəkəsi üzərindən həyata keçirir.

Belə ki, xüsusi olaraq yaradılmş səhifədə bildirilir ki, intim oyuncaqlar sifariş verdikdən sonra 3 - 4 həftəyə kuryer vasitəsi ilə evə çatdırılır. Bu zaman sifarişçi özü barəsində məlumatları da qeyd etməlidir.

Onu da xatırladaq ki, Bakıda seks-şopun açılması ilə bağlı məsələ ötən il qaldırılmışdı. Almaniyanın “Fun Factory GmbH” şirkəti bu işi həyata keçirməyi planlaşdırsa da, sonradan heç bir nəticə olmadı.

Səbəb kimi Azərbaycan əhalisinin belə bir mağazanın yaradılmasına qarşı kəskin reaksiyası oldu, əhali bu tipli məhsulların satışının həyata keçirilməsini milli-mənəvi dəyərlərimizə zidd addım kimi qiymətləndirmişdi.

Qeyd edək ki, Oxu.Az bununla bağlı Bakıda sorğu keçirdmişdi. Belə, ki vətəndaşların Bakıda seks-şopun açılmasına etiraz etmişdi.

E.Ə.
www.oxu.az