Çempionlar Liqası: “Barselona” darmadağın oldu – VİDEO
Çempionlar Liqası: “Barselona” darmadağın oldu – VİDEO
Bu gün UEFA Çempionlar Liqasında 1/8 final mərhələsinə start verilib.
Oxu.Az Report-a istinadən xəbər verir ki, günün mərkəzi görüşü Fransada yerli PSJ ilə “Barselona” (İspaniya) arasında baş tutub.
Matç Kataloniya klubunun böyük hesablı məğlubiyyəti ilə başa çatıb. PSJ rəqib qapısından 4 cavabsız qol keçirdərək növbəti mərhələyə çıxmaq şanslarını xeyli artırıb. İndi İspaniya klubu 4/1 finala çıxmaq üçün öz meydanında qol buraxmamaq şərti ilə rəqib qapısından 5 top keçirməlidir.
Günün iki qarşılaşmasından biri Portuqaliyada yerli “Benfika” ilə “Borussiya” (Almaniya) arasında baş tutub.
ÇL-nin 1/8 final mərhələsinin ilk oyununda Dortmund klubu “Benfika”ya minimal hesabla uduzub. Komandanın məğlubiyyətdən xilas olmaq şansı yaransa da, Pyer-Emerik Obameyanq penaltini vura bilməyib.
Çempionlar Liqası, 1/8 final mərhələsi
14 fevral
PSJ – “Barselona” – 4:0
Qollar: Angel Di Maria, 18 (1-0), Julian Draxler, 40 (2-0), Angel Di Maria, 55 (3-0), Edinson Cavani, 72 (4:0).
“Benfika” (Portuqaliya) – “Borussiya” (Dortmund, Almaniya) - 1:0
Qol: Konstantinos Mitroğlu, 49
E.Ə.
www.oxu.az