“Barselona”ya Lionel Messiyə görə 100 milyon təklif edildi

“Barselona”nın hücumçusu Lionel Messi karyerasına İngiltərədə davam edə bilər. 

Oxu.Az xəbər verir ki, mənbənin məlumatına görə, “Mançester Siti”nin rəhbərliyi 29 yaşlı argentinalı üçün 100 milyon funt sterlinq ödəməyə hazırdır. 

Məlumata görə, forvardın daha əvvəl birgə işlədiyi “şəhərlilərin” baş məşqçisi Hospe Qvardiola öz keçmiş yetirməsinin gələcəyi ilə qeyri-müəyyənliyindən istifadə etmək fikrindədir. 

Xatırladaq ki, Messi 2003-cü ildən “Barselona” üçün oynayır. Argentinalının ispan komandası ilə müqaviləsi 2018-ci ildə başa çatır. Hazırkı mövsümdə hücumçu 19 matç keçirib və 17 qol vurub və beş məhsuldar ötürmə edib.  

N.O.
www.oxu.az