Renat Dadaşov Azərbaycan millisinə dəvət alıb

Almaniyanın “Ayntraxt” klubunun 19 yaşadək futbolçulardan ibarət komandasının futbolçusu Renat Dadaşov ilk dəfə Azərbaycan millisinə dəvət alıb. 

Oxu.Az Report-a istinadən xəbər verir ki, 18 yaşlı hücumçu Almaniya yığması ilə 2018-ci il dünya çempionatının seçmə qrup matçına çağırılıb.

O, martın 19-da Bakıya gələrək Bundestimlə görüşün hazırlıq prosesinə qatılacaq.

Qeyd edək ki, Renat Dadaşov hazırda Almaniyada yaşayır. 18 yaşlı hücumçu 2013-cü ilin fevralından 2014-cü ilin oktyabrınadək Azərbaycan yığmasında forma geyinmiş Rüfət Dadaşovun qardaşıdır. Hazırda Almaniyanın “Ayntraxt” klubunun U-19 yığmasında çıxış edən Renat Dadaşovun müqaviləsi 2018-ci ilin iyununda başa çatacaq. 

O, cari mövsümdə klubun heyətində 11 oyuna çıxıb, 3 qol və 2 məhsuldar ötürmə müəllifi olub. Hücumçu 2016-cı ilin mayında Bakıda 17 yaşadək futbolçular arasında keçirilmiş Avropa çempionatında da çıxış edib. Yarış ərzində Dadaşov Almaniya millisinin heyətində Slovakiya (5:1), Avstriya (4:0) və Belçika (1:0) yığmaları ilə görüşlərdə qol vurub və bürünc mükafatçı olub.

E.Ə.
www.oxu.az