Renat Dadaşov Almaniya yığmasına qarşı oynamayacaq

Frankfurt “Ayntraxt”ından Azərbaycan milli komandasına çağırılmış futbolçu Renat Dadaşov 2018-ci il dünya çempionatının seçmə qrup matçında Almaniya milli komandasına qarşı oynamayacaq.

Oxu.Az-ın Report-a istinadla məlumatına görə, 18 yaşlı hücumçunun adı oyunun iştirak ərizəsinə daxil edilməyib. UEFA-nın saytında dərc olunmuş siyahıda Azərbaycan millisinin oyuna 23 oyunçu ilə çıxacağı göstərilib. Onlar arasında R.Dadaşov yoxdur.

Ümumilikdə Prosineçki 3 qapıçı, 7 müdafiəçi, 9 yarımmüdafiəçi və 4 hücumçuya güvənəcək. Artıq o, əsas heyəti də açıqlayıb. Belədə ilk “11-lik” və ehtiyat oyunçular belə olacaq:

Azərbaycan: 1.Kamran Ağayev, 2.Qara Qarayev, 3.Məhəmməd Mirzəbəyov, 4.Pavel Paşayev, 6.Bədavi Hüseynov, 13.Dmitri Nazarov, 14.Rəşad Sadıqov, 16.Cavid Hüseynov, 19.Rahid Əmirquliyev, 20.Ramil Şeydayev, 22.Əfran İsmayılov.

Ehtiyat oyunçular: 12.Anar Nəzirov, 23.Aqil Məmmədov, 5.Maksim Medvedev, 17.Ürfan Abbasov, 21.Tərlan Quliyev, 7.Araz Abdullayev, 8.Eddi İsrafilov, 9.Elvin Məmmədov, 15.Emin Mahmudov, 10.Ruslan Qurbanov, 11.Deniz Yılmaz, 18.Ağabala Ramazanov.

A.S.
www.oxu.az