İslamiadanın açılış mərasimini 55 ölkə izləyib

“IV İslam Həmrəyliyi Oyunlarının açılış mərasimi dünyanın 55 ölkəsində izlənilib”.

Oxu.Az-ın məlumatına görə, bunu “Bakı-2017” IV İslam Həmrəyliyi Oyunları Əməliyyat Komitəsinin əməliyyatlar üzrə baş direktoru Mayk Loynd İslamiada ilə bağlı keçirilən mətbuat konfransında deyib. 

O, yarışlara qatıla bilməyən ölkələrdən də söz açıb:

“Liviya maliyyə çətinliklərinə görə IV İslam Həmrəyliyi Oyunlarında iştirak edə bilməyib. Sudanın yarışlarda iştirak etməməsinin səbəbi isə hələ aydın deyil. Küveytdə müəyyən hazırlıq işləri görülmüşdü. Onlar müstəqil idmançı kimi yarışda iştirak edə bilərdilər. Lakin təəssüf edirik ki, bu üç ölkə yarışlarda iştirak edə bilmədi”.

Z.Q.
www.oxu.az