18 
İyn
2017
21:29
102
45
5624
Virtual karabakh

Konfederasiyalar Kuboku: Portuqaliya Meksika üzərində qələbəni əldən verib - VİDEO

Rusiyada təşkil olunan Konfederasiyalar Kuboku çərçivəsində "A" qrupunda ilk turun daha bir oyunu keçirilib.

Oxu.Az Report-a istinadan verdiyi məlumata görə, Kazandakı eyniadlı arenada Portuqaliya ilə Meksika milliləri üz-üzə gəlib.

Görüş 2:2 hesablı heç-heçə ilə nəticələnib. Son Avropa çempionları iki dəfə önə keçmələrinə baxmayaraq, hesabı qoruya bilməyiblər.

Beləliklə, ilk turun açılış matçında Yeni Zelandiyanı 2:0 hesabı ilə yenən Rusiya yığması "A" qrupunun vahid lideri olub. Portuqaliya və Meksika hərəyə 1 xalla 2 və 3-cü yerləri bölüşür. Xalsız qalan Yeni Zelandiya isə sonuncudur.

"B" qrupunda ilk oyun saat 22:00-da başlanacaq. Kamerun və Çili yığmaları arasında Moskvadakı "Spartak" stadionunda keçiriləcək görüşü sloveniyalı referi Damir Skomina idarə edəcək.

Konfederasiyalar Kuboku, I tur

A qrupu
18 iyun
19:00. Portuqaliya – Meksika - 2:2
Qollar: Rikardu Kuarejma, 34. Sedrik Suareş, 86 - Xavyer Ernandes, 42. Hektor Moreno, 90+1
Baş hakim: Nestor Pitana (Argentina)
"Kazan Arena"

B qrupu
18 iyun
22:00. Kamerun – Çili
Baş hakim: Damir Skomina (Sloveniya)
"Spartak" stadionu

www.oxu.az

Digər İdman xəbərləri