Daniel Rikardo: Bakıda sürət rekordu vurmağa çalışacağıq

“Bakıda sürət rekordu vurmağa çalışacağıq (366 km\s red.), amma çox şey küləyin gücündən asılıdır. Əgər külək avtomobili qovarsa, bu, mümkün olacaq. İmkan olsa, bunu edəcəyik”. 

Oxu.Az xəbər verir ki, bu barədə Red Bull Racing-in pilotu Daniel Rikardo bəyan edib. 

Red Bull Racing-in digər pilotu Maks Ferstappen isə öz növbəsində qeyd edib ki, onun yalnız bir məqsədi var – qalib olmaq. 

“Mən erkən yaşlarımdan Formulada uğur qazanmaq istəmişəm. Atam Formulada iştirak edirdi. Mən də həmişə idmançı olmaq istəmişəm. mənim üçün Formula-1 həyatdır. Məqsədim “kral yarışlarının” qalibi olmaqdır”.

Hollandiyalı idmançı həmçinin bunun yeni tras olduğunu qeyd edib. “Tras öz-özlüyündə çox maraqlıdır. Səbirsizliklə yarışın başlamasını gözləyirəm”. 

S.S.
www.oxu.az