Futbol üzrə Cibuti yığması dağıdılır

Cibuti Futbol Federasiyası ölkənin milli komandasını uğursuz nəticələrə görə dağıdıb.

Oxu.Az-ın xəbərinə görə, bu barədə BBC Sport məlumat yayıb.

Federasiyanın texniki direktoru Ömər Əli Məhəmmədin sözlərinə görə, əsas komanda həmişə uduzur.

Bu səbəbdən milli komandanın çıxışları dayandırılır.

“Söhbət maliyyədən getmir, bu federasiyanın yeni siyasətidir. Biz 15, 17 və 20 yaşa qədər gənclərin yarışlarında iştirak edəcəyik”, - o deyib.

Qeyd edək ki, son altı oyunun hamısında Cibuti yığması məğlub olub (3:24 - ümumi hesab).

Cibuti millisi FİFA-nın reytinqində 211 ölkə arasında 185-ci yeri tutur. Şərqi Afrikada yerləşən ölkənin əhalisi 640 min nəfər təşkil edir.

S.B.
www.oxu.az