Mayk Tayson cinsi təcavüzə məruz qalmasından danışdı

Amerikalı boksçu, ağır çəki dərəcəsində keçmiş dünya çempionu Mayk Tayson ESPN telekanalına müsahibəsində uşaqlıqda cinsi təcavüzə məruz qalmasından danışıb.

Oxu.Az-ın Lenta.ru-ya istinadən məlumatına görə, boksçu bildirib ki, tanımadığı kişi onu qaranlıq otağa salıb və təcavüz edib. 

Tayson qeyd edib ki, məhz bundan sonra, o boksla məşğul olmaq qərarına gəlib.

“Mən bu barədə əvvəllər heç kimə danışmamışdım. Baş verənlər məni daha güclü eləmədi. Hadisənin həyatıma elə də böyük təsiri olmayıb”, - boksçu deyib.

Tayson tarixin ən tanınmış boksçularından biridir. Onun hesabında 50 qələbə (44 nokautla) və 6 məğlubiyyət var. 1986-cı ildə o, dünyanın ən gənc çempionu olub. 

S.B.
www.oxu.az