Fatih Terim “Qalatasaray”a gəlir - İDDİA
Fatih Terim “Qalatasaray”a gəlir - İDDİA
Türkiyənin futbol üzrə milli komandasının baş məşqçisi postundan istefa verən Fatih Terimin yeni iş yeri müəyyənləşmək üzrədir.
Oxu.Az Report-a istinadən xəbər verir ki, 64 yaşlı mütəxəssis yenidən “Qalatasaray”ın sükanı arxasına keçəcək.
İstanbul təmsilçisinin hazırkı baş məşqçisi xorvatiyalı İqor Tüdorla 400 min avro təzminat qarşılığında yollarını ayıracağı bildirilir.
Türkiyə yığmasının başına keçəcək namizədlər arasında isə “Beşiktaş”ın baş məşqçisi Şenol Günəşlə Rusiya təmsilçisi “Zenit”dən ayrılan rumıniyalı Mirça Luçeskunun adları daha çox hallanır.
Qeyd edək ki, Fatih Terim daha əvvəl 3 dəfə “Qalatasaray”ın baş məşqçisi olub. O, 1996-2000, 2002-2004 və 2011-2013-cü illərdə “sarı-qırmızılılar”a rəhbərlik edib. Təcrübəli mütəxəssis “Qalatasaray”la 6 dəfə ölkə çempionu olmaqla yanaşı, 2000-ci ildə UEFA Kubokunu qazanıb.
A.M.