Yeni mövsüm start götürür: Azərbaycan derbisində kim sevinəcək?
Yeni mövsüm start götürür: Azərbaycan derbisində kim sevinəcək?
Bu gün Azərbaycan Premyer Liqasında 2017/2018 mövsümü start götürəcək.
Oxu.Az-ın apasport.az-a istinadən verdiyi məlumata görə, mövsümün açılış oyununda ölkənin iki ən titullu komandası qarşılaşacaq.
Premyer Liqadakı 103 günlük sükut FİFA referisi Əliyar Ağayevin start fiti ilə pozulacaq. 8-ci km qəsəbə stadionunda keçiriləcək görüşdə "Neftçi" və "Qarabağ" komandaları üz-üzə gələcək. Əvvəlki bütün çempionatlarda iştirak edən komandaların növbəti dueli, budəfəki Azərbaycan derbisi də maraqla gözlənilir.
Çempionlar Liqasının "play-off" mərhələsində mübarizə aparacaq "Qarabağ" Premyer Liqanın yeni mövsümünə ardıcıl 5-ci, ümumilikdə 6-cı çempionluq iddiası ilə başlayacaq. "Neftçi" isə son illərdəki uğursuzluğunu unutdurmaq niyyətindədir.
Azərbaycan Premyer Liqası
I tur
11 avqust (cümə)
21:00. "Neftçi" – "Qarabağ"
Hakimlər: Əliyar Ağayev, Zeynal Zeynalov, Rza Məmmədov, Orxan Məmmədov
AFFA nümayəndəsi: Eldəniz Musayev
Hakim-inspektor: Məlik Həsənov
8-ci km qəsəbə stadionu
A.H.