"Qarabağ"dan möhtəşəm göstərici
"Qarabağ"dan möhtəşəm göstərici
"Qarabağ"ın Çempionlar Liqasındakı məğlubiyyətsiz oyunlar seriyası 10-a çatıb.
Oxu.Az apasport.az-a istinadən xəbər verir ki, "play-off"un "Kopenhagen"lə Bakıdakı görüşündə 1:0 hesabı ilə qalib gələn Qurban Qurbanovun yetirmələri qitənin ən nüfuzlu klub turnirində 10 oyundur ki, uduzmur.
Ağdamlılar sonuncu dəfə 749 gün əvvəl məğlubiyyət acısı yaşayıb. Təmsilçimiz Şotlandiyada "Seltik"ə yenilib. 2015-ci il iyulun 29-dakı görüşdən sonra "Qarabağ" Çempionlar Liqasında uduzmayıb.
2015/16 mövsümündə 1, ötən il 4, cari turnirdə isə 5 dəfə meydana çıxan çempionumuz azarkeşlərinə üzüntü yaşatmayıb. Bu, Azərbaycan klublarının Çempionlar Liqasında mütləq rekordudur.
Əyalət klubu bu 2 ildən artıq müddətdə 5 qələbə qazanıb, 5 heç-heçə edib. Rəqib qapılarına 13 top vuran təmsilçimiz 3-nü buraxıb.
E.Ə.
www.oxu.az