Qurban Qurbanov: Mahir Mədətova görə narahatam
Qurban Qurbanov: Mahir Mədətova görə narahatam
“Futbolçuları oyunlara hazırlamaqla yanaşı, sosial şəbəkədəki fikirlərdən də qorumalıyam. Futbolçu psixologiyası elədir ki, 99,9 faizi belə hallarda “ulduz xəstəliyi”nə tutulur. Bu gün mən Mahir Mədətova görə narahatam”.
Oxu.Az Teleqraf.com-a istinadən xəbər verir ki, bu sözləri “Qarabağ”ın baş məşqçisi Qurban Qurbanov “İnter”lə mübarizədən sonra jurnalistlərin Mahir Mədətovun “Kopenhagen”lə oyundan sonra medianın xüsusi diqqətində olmasının onu narahat edib-etmədiyi barədə suala cavabında deyib.
Baş məşqçinin sözlərinə görə, şan-şöhrət bir çox futbolçunun karyerasına ziyan vurub: “Mahir “Kopenhagen”ə qol vurduqdan sonra, 50 faiz zəif oynamağa başladı. Buna görə gənc oyunçularımızın bu cür reklam olunmasına qarşıyam. Bu cür şeylərin həddi var. Elə ola bilər ki, mən də onlarla fərdi söhbətlərdən yorulum. Dəfələrlə olub ki, futbolçulara müsahibə verməyi qadağan etmişəm. Ancaq buna nəzarət etmək çox çətindir. Təəssüf ki, bizim hətta ən bacarıqlı futbolçularla bağlı belə problemlər olub”.
A.M.