"Neftçi" klubunun baş məşqçisi istefaya göndərilib

Elxan Abdullayev "Neftçi" futbol komandasının baş məşqçi vəzifəsindən istefa verib.

Oxu.Az-ın Report-a istinadən verdiyi məlumata görə, istefa ərizəsi ilə rəhbərliyə müraciət edən mütəxəssisin ərizəsi qəbul olunub.

E.Abdullayevə fəaliyyətinə görə minnətdarlıq edilib, ona gələcək işlərində uğurlar arzulanıb.

Qeyd edək ki, Elxan Abdullayev 2016-cı il sentyabrın 14-də "Neftçi”nin baş məşqçisi təyin olunub. Bu ilin mayında isə onunla yeni 3 illik sözləşmə imzalanıb. Lakin 47 yaşlı mütəxəssisin rəhbərlik etdiyi kollektiv 2017/2018 mövsümünə “Qarabağ”a 1:3, “Səbail”ə isə 0:1 hesablı məğlubiyyətlərlə başlayıb.

İ.F.

www.oxu,az