UEFA prezidentindən PSJ-yə – SƏRT MESAJ
UEFA prezidentindən PSJ-yə – SƏRT MESAJ
UEFA prezidenti Aleksander Çeferin bəyan edib ki, Fransanın PSJ klubunun “fair play” maliyyə qaydalarını pozması sübut olunsa, komanda cəzalandırılacaq.
Oxu.Az-ın xəbərinə görə, onun sözlərini L'Equipe nəşri sitat gətirir.
“Əgər PSJ-nin qaydaları pozması sübut olunsa, mən klubu avrokuboklardan kənarlaşdıracam. Biz PSJ-ni cəzalandırmağa qorxmuruq. Heç kim qanundan üstün ola bilməz”, - Çeferin deyib.
Xatırladaq ki, sentyabrın 1-də UEFA Fransa klubuna qarşı araşdırmaya başlayıb. Təşkilat nümayəndələrində şübhələri klubun yay transfer pəncərəsində Neymar və Mpappeni heyətinə qatması yaradıb.
Paris təmsilçisi braziliyalı futbolçuya görə “Barselona”ya 222 milyon avro ödəyib. “Monako”dan isə Kilian Mbappe sonradan satınalma şərti ilə icarəyə götürülüb. Hücumçuya görə PSJ “Monako”ya 180 milyon avro ödəyəcək.
S.B.
www.oxu.az