“Qalatasaray” - “Fənərbaxça” matçında qalib müəyyənləşmədi

İstanbulun “Türk Telekom – Əli Sami Yen” stadionunda keçirilən “Qalatasaray” – “Fənərbaxça” derbisində qalib müəyyənləşməyib.

Oxu.Az Report-a istinadla xəbər verir ki, Türkiyə Superliqasının 9-cu turu çərçivəsində baş tutan matçda qapılara qol vurulmayıb.

“Qalatasaray” oyunu 10 nəfərlə başa vurub. 73-cü dəqiqədə Yunes Belanda ikinci sarı vərəqə alaraq meydandan qovulub.

Bu matçdan sonra “Qalatasaray” 23 xal ilə liderliyini qoruyub, “Fənərbaxça” isə 15 xalla 6-cı yerdə qərarlaşıb.

Türkiyə - Superliqa. 9-cu tur

“Qalatasaray” – “Fənərbaxça” - 0:0

A.S.
www.oxu.az