Nazim Süleymanov istefaya göndərildi
Nazim Süleymanov istefaya göndərildi
Nazim Süleymanov “Sumqayıt” klubunun baş məşqçi postundan göndərilib.
Oxu.Az xəbər verir ki, “Sumqayıt” FK-nın baş məşqçisi Nazim Süleymanov səhhəti ilə əlaqədar olaraq, klub rəhbərliyi ilə bağlanmış müqaviləyə xitam verilməsi üçün Müşahidə Şurasına müraciət edib.
Adıçəkilən mütəxəssisin ərizəsi keçirilən iclasda Müşahidə Şurasının üzvləri tərəfindən qəbul edilib, onunla bağlanmış müqaviləyə bugündən xitam verilməsinə razılıq verilib. Müşahidə Şurası bu qərarı icra üçün klub rəhbərliyinə təqdim edib.
Qeyd edək ki, “Sumqayıt” dünən Azərbaycan Premyer Liqasının autsayderlərdən olan “Keşlə”yə 1:4 hesabı ilə uduzub. Komanda hazırda 11 xalla VI sırada qərarlaşıb.
Onu da bildirək ki, Nazim Süleymanovla iyunda iki illik müqavilə bağlanmışdı.
Səbuhi MUSAYEV
www.oxu.az