Dek
2018
22:14
42
113
2957
Virtual karabakh

AFFA-nın sabiq əməkdaşının oğlu FIFA referisi oldu

Azərbaycanın 2019-cu il üçün FIFA referilərinin siyahısı açıqlanıb.

Oxu.Az xəbər verir ki, ölkəni beynəlxalq futbol oyunlarında təmsil edəcək baş hakimlərin siyahısında dəyişiklik edilib.

Görmə qabiliyyətində problem yaranan və müalicə olunan Ömər Paşayevi 2018-2017-ci illərdə Hakim-İnspektorlar Komitəsinin sədri olmuş, hazırda Azərbaycan Futnet Assosiasiyasının İcraiyyə Komitəsinin üzvü olan Gülağa Cabbarovun oğlu Rauf Cabbarov əvəzləyib.

Bundan başqa Elçin Səmədli futzal üzrə FIFA referiləri siyahısından yaş limitinə görə çıxarılıb.

Beləliklə, siyahı belədir: 

Referilər: Əliyar Ağayev, Rəhim Həsənov, Rauf Cabbarov;

Referi köməkçiləri: Yaşar Abbasov, Namiq Hüseynov, Akif Əmirəli, Rza Məmmədov, Zeynal Zeynalov, Mübariz Haşımov;

Futzal: Yusif Nurullayev, Ramil Namazov, Hikmət Qafarlı;

Çimərlik futbolu: İnqilab Məmmədov, Əli Cəbrayılov, Sədaqət Vəliyeva;

Qadın referilər: Yuliya Qurbanova, Səbayel Kuzutürk;

Qadın referi köməkçiləri: Gülyana Özcan, Xəyalə Əzizzadə, Aybəniz Əsgərzadə, Gülnurə Əkbərzadə.

Səbuhi MUSAYEV
www.oxu.az

Bizimlə əlaqə saxlayın

Digər İdman xəbərləri