"Sabah" ardıcıl beşinci matçda qələbə qazana bilməyib - VİDEO
"Sabah" ardıcıl beşinci matçda qələbə qazana bilməyib - VİDEO
Futbol üzrə Azərbaycan Premyer Liqasında XIV tura start verilib.
Oxu.Az xəbər verir ki, II dövrənin son turunun ilk oyununda "Sabah" komandası "Əlincə Arena"da "Keşlə"ni qəbul edib.
Keçmiş FIFA referisi Orxan Məmmədovun idarə etdiyi görüş qonaqların 2:1 hesablı qələbəsi ilə yekunlaşıb. İlk qolu 34-cü dəqiqədə Sərtan Taşkın vurub. 65-ci dəqiqədə Denis Silva fərqi artırıb. Meydan sahibləri 80-ci dəqiqədə Elşən Abdullayevin qolu ilə fərqi azaldıblar.
Qeyd edək ki, hazırda "Zirə" - "Qarabağ" və "Səbail" - "Qəbələ" matçları keçirilir. Tura saat 19:30-da başlanacaq "Neftçi" - "Sumqayıt" matçı ilə yekun vurulacaq.
Bu matçda "Sabah"ın ən yaxşı bombardiri Marko Deviç zədə üzündən forma geyinməyib. O, "Keşlə" ilə oyundan öncə məşqlərin birində xəsarət alıb.
Oxu.Az yeniləndi!