Pedro nə “Qarabağ”a gəlir, nə də “Astana”da qalmaq istəyir
Pedro nə “Qarabağ”a gəlir, nə də “Astana”da qalmaq istəyir
“Qarabağ”ın braziliyalı sabiq legioneri Pedro Enrike gələcək taleyi haqda danışıb.
Oxu.Az xəbər verir ki, 28 yaşlı cinah yarımmüdafiəçisi ötən yaydan çıxış etdiyi Qazaxıstanın “Astana” klubu ilə BƏƏ-də təlim-məşq toplanışına qatılmayıb. O bu klubu tərk etmək niyyətində olduğunu bildirib:
“PAOK-a qayıtmaq istəyirəm. “Astana”yla Avropa Liqasında növbəti mərhələyə keçmədik və Qazaxıstan çempionatı martda startda götürəcəyindən, orda daha qalmaq istəmirəm. PAOK-a qayıdaraq komandaya kömək etmək istəyirəm. Klubun vitse-prezidenti Qiorqios Savvidislə telefonla danışdm və qayıtmağımla bağlı razılaşdıq. Ümid edirəm ki, həftə ərzində bu işlər yoluna qoyulacaq. Gözləyirəm ki, bütün detallar tam həll olunsun”.
Qeyd edək ki, Pedro Enrikenin “Astana”da həmyerlisi Riçard Almeyda kimi “Qarabağ”a qayıdacağı deyilsə də, göründüyü kimi, o, müqaviləylə məxsus olduğu Saloniki təmsilçisinə dönməyi üstün tutub.