Antalya gündəliyi: “Sabah” Türkiyəni məğlub olmadan tərk edir - VİDEO
Antalya gündəliyi: “Sabah” Türkiyəni məğlub olmadan tərk edir - VİDEO
Türkiyədə təlim-məşq toplanışında olan Azərbaycan Premyer Liqasının klublarından üçü bu gün yoxlama oyununda qüvvəsini sınayıb.
Oxu.Az xəbər verir ki, “Sabah”, “Sumqayıt” və “Zirə” eyni vaxtda meydana çıxıb.
Premyer Liqamızın debütantı “Sabah” sonuncu yoxlama oyununda İsveçrənin “Syon” klubunun 21 yaşadək komandası ilə heç-heçə edib – 4:4. Qolları serbiyalılar – Marko Deviç (penalti), Filip İvanoviç, Elşən Abdullayev və Təmkin Xəlilzadə vurub. Daha əvvəl “Əskişəhərspor”u (Türkiyə) 1:0, MTK-nı (Macarıstan) 3:1 yenmiş “Sabah” “Tobol”la (Qazaxıstan) 2:2 oynamışdı. Bakı klubu sabah vətənə məğlubiyyətsiz qayıdacaq.
“Jetısu” (Qazaxıstan) ilə 1:1 oynamış “Sumqayıt” onqat Makedoniya çempionu, hazırda bu ölkənin son gümüş mükafatçısı “Vardar”ı məğlub edib – 3:1. Hesabda geridə olmasına baxmayaraq, Sumqayıt klubu Arif Daşdəmirov, Xəyal Nəcəfov və Elvin Məmmədovun (penalti) qolları ilə qələbə qazanıb.
Daha əvvəl “Voluntar”ı (Rumıniya) 1:0 yenmiş Premyer Liqanın autsayderi olan “Zirə” bu dəfə Macarıstanın “Pakş” komandasını yenib – 1:0. Görüşdə yeganə qolu 57-ci dəqiqədə İlkin Qırtımov vurub.
Səbuhi MUSAYEV