Türkiyə millisi komandamıza on qol vurdu

19 yaşadək futzalçılardan ibarət Azərbaycan yığması yoldaşlıq oyunu keçirib. 

Oxu.Az xəbər verir ki, Bakı İdman Sarayında keçirilmiş oyunda türkiyəli həmyaşıdları ilə qarşılaşan komandamız məğlub olub – 1:10.

Yığmamızın yeganə qolunu Hüseyn Qarayev vurub.

Qeyd edək ki, bundan əvvəl türklər millimizi 5:3 hesabı ilə məğlub etmişdi. Ötən ilin noyabrında isə yeni yaradılmış, əsasən, “Keşlə” klubunun futbolçularından qurulmuş komandamız Gürcüstan millisinə 3:10 hesabı ilə uduzmuşdu.