Koronavirus testi pozitiv çıxan Mahir Emrelidən yeni xəbər var - YENİLƏNİB + FOTO
Koronavirus testi pozitiv çıxan Mahir Emrelidən yeni xəbər var - YENİLƏNİB + FOTO
Milli komandamızın və Polşanın “Legiya” klubunun hücumçusu Mahir Emrelinin koronavirusla bağlı ikinci testinin nəticəsi neqativ olub.
Bununla bağlı Polşa klubunun mətbuat xidmətinin rəhbəri İzabela Kruq özünün “Twitter” hesabında yazıb.
O bildirib ki, Azərbaycan Futbol Federasiyası Assosiasiyası tərəfindən Emrelinin testinin pozitiv çıxması xəbəri yayıldıqdan sonra “Legiya”nın tibb xidməti tərəfindən yenidən futbolçudan test götürülüb.
Kruqun sözlərinə görə, ikinci testin nəticəsi neqativ olub, Mahir Emreliyə peyvənd vurulub, hazırda vəziyyəti yaxşıdır.
W nawiązaniu do informacji o pozytywnym wyniku testu na koronawirusa u Mahira Emrelego -zgodnie z ustaleniami naszego sztabu medycznego, powtórzony wynik testu u Mahira dał wynik ujemny, zawodnik jest zaszczepiony, nie ma żadnych objawów.Będziemy na bieżąco informować o sytuacji.
— Iza Kruk (@Kruk_Izabela) October 12, 2021
09:00
Dünya çempionatının seçmə mərhələsi çərçivəsində oktyabrın 12-də Belqrad şəhərində Serbiya millisi ilə qarşılaşacaq Azərbaycan milli komandasının üzvü Mahir Emrelinin oyunöncəsi COVID-19 testi pozitiv nəticələnib.
Bununla bağlı AFFA məlumat yayıb.
UEFA-nın tətbiq etdiyi tibbi protokola uyğun olaraq, Mahir Emreli Serbiya - Azərbaycan oyununda iştirak edə bilməyəcək.
Qeyd edək ki, Serbiya - Azərbaycan oyunu bu gün Bakı vaxtı ilə 22:45-də start götürəcək.