Avropa Liqasının final matçı Bakıda keçiriləcək – YENİLƏNİB
Avropa Liqasının final matçı Bakıda keçiriləcək – YENİLƏNİB
UEFA 2018-2019 mövsümündə Çempionlar Liqası və Avropa Liqasının final matçlarının məkanlarını və tarixlərini açıqlayıb.
Oxu.Az Report-a istinadən xəbər verir ki, Avropanın ən nüfuzlu klub turnirinin həlledici görüşü 2019-cu il iyunun 1-də İspaniyanın paytaxtı Madriddəki "Metropolitano" stadionunda təşkil olunacaq. Avroliqanın həlledici görüşü isə bundan üç gün tez - mayın 29-da Bakı Olimpiya Stadionunda baş tutacaq.
Qeyd edək ki, UEFA Super Kuboku uğrunda görüş bu iki turnirin qalibləri arasında 2019-cu ilin avqustunda Türkiyənin İstanbul şəhərindəki "Wodafone Arena"da keçiriləcək.
19:30
2019-cu ildə Avropa Liqasının final matçı Bakı Olimpiya Stadionunda keçiriləcək.
Oxu.Az-ın məlumatına görə, müvafiq qərar UEFA-nın İcraiyyə Komitəsinin iclasında qəbul olunub.
Çempionlar Liqasının finalı isə Madridin “Vanda Metropolitano” stadionunda baş tutacaq.
A.M.