Bakı-İstanbul aviareysi təxirə salınıb

Bu gün Bakıdan İstanbulun Sabiha Gökçen hava limanına yerinə yetirilməli olan aviareys təxirə salınıb.

Oxu.Az APA-ya istinadən xəbər verir ki, aviareys Bakı vaxtı ilə saat 06:10-da “Türk Hava Yolları” şirkəti tərəfindən yerinə yetirilməli idi.

Türkiyənin “Anadolu” agentliyi isə yazır ki, qonşu ölkədə hökm sürən əlverişsiz hava şəraiti səbəbindən 6-7 yanvar tarixlərində Sabiha Gökçen hava limanına olan aviareyslərin sayı 20-25% azalacaq.

U.A.
www.oxu.az