Ekvadorun tropik meşələrində yaşayan qədim qəbilə – VİDEO + FOTO

Britaniyalı fotoqraf Ekvadorun tropik meşələrində hələ də qədim zamanlardakı kimi borularla atılan zəhərli oxlarla ov edən Huorani qəbiləsinin yaşayışı haqqında reportaj hazırlayıb. 

Oxu.Az DailyMail-ə istinadən xəbər verir ki, 4000-ə yaxın üzvü olan bu qəbilənin üzvləri Amazon meşələrində yaşayan meymunları, çöl donuzlarını, tukan və ekzotik quşları ovlayaraq həyatda qalırlar. 

Huorani qəbiləsinin üzvlərinin bir xüsusi özəlliyi də ondadır ki, onların ayaqları yaşadıqları cəngəllik şəraitinə uyğun olaraq adi insanlarınkından fərqli formada təkamül keçirib. Onların ayaqları daha yastı, barmaqları daha balacadır. Bu da onlara ov meymunları ovlamaq üçün ağaclara daha cəld dırmaşmağa kömək edir. 

İsmayıl Nur

www.oxu.az