İngiltərədə qatar biletləri biometrik sistem vasitəsilə alınacaq

İngiltərədə dəmir yolu nəqliyyatına üstünlük verən sərnişinlər bilet ödəmələrini barmaq izi və ya göz analiz sistemləri vasitəsilə həyata keçirəcəklər.

Oxu.Az AZƏRTAC-a istinadla xəbər verir ki, bu layihənin reallaşdırılmasında əsas məqsəd qatar stansiyalarındakı izdihamı azaltmaq və sərnişinlər üçün daha yaxşı səyahət imkanını təmin etməkdir.

Mərkəzi Londonda yerləşən “Rail Delivery Group”un rəhbəri Pol Plummer bildirib ki, biometrik sistem ilə səyahət ödənişləri avtomatik həyata keçiriləcək. Onun sözlərinə görə, artıq layihənin icrasına başlanılıb.

A.S.
www.oxu.az