Dünyanın ən zəngin on ölkəsi – SİYAHI
Dünyanın ən zəngin on ölkəsi – SİYAHI
Dünyanın ən zəngin 10 ölkəsinin bəzilərinin karbohidrogen ehtiyatlarına sahib olduqları bildirilir.
Oxu.Az-ın məlumatına görə, “Report” “Vestifinance.ru” saytına istinadən xəbər verir ki, siyahı “Global Finance” aylıq maliyyə jurnalı tərəfindən tərtib edilib.
Araşdırmaya görə, dünyanın adambaşına düşən gəlirə görə ən zəngin ölkəsi Qətərdir. Bu ölkədə ÜDM-in 50%-i neft-qaz ixracından əldə edilir və adambaşına gəlir 129 min 512 ABŞ dolları təşkil edir.
İkinci sırada Lüksemburq (100 min 991 dollar) qərarlaşıb. Bu ölkə offşor zonalar və münbit investisiya mühiti ilə məşhurdur. Üçüncü sıranı kazinoları ilə məşhur olan Makao (87 min 845 dollar) tutub.
Sonrakı yerləri Sinqapur (86 min 854 dollar), Bruney (77 min 662 dollar), Küveyt (70 min 587 dollar), İrlandiya (69 min 374 dollar), Norveç (69 min 31 dollar), Birləşmiş Ərəb Əmirlikləri (67 min 947 dollar) və San-Marino (64 min 465 dollar) bölüşür.
Göründüyü kimi, adambaşı gəlirə görə ən zəngin 10 ölkə arasında 5 ölkə neft-qaz ehtiyatları hesabına varlanıb.
U.A.
www.oxu.az