Azərbaycandan Türkiyəyə gedən turistlərin sayı açıqlandı
Azərbaycandan Türkiyəyə gedən turistlərin sayı açıqlandı
Türkiyənin Mədəniyyət və Turizm Nazirliyi 2017-ci ilin ilk 5 ayında (yanvar-may) ölkəyə gələn turistlərin statistikasını açıqlayıb.
Oxu.Az xəbər verir ki, hesabat dövründə Türkiyəyə Rusiya, Almaniya, İraq, Venesuela, Sinqapur, Hollandiya, Avstraliya, və Meksika daxil olmaqla, 100-dən çox ölkədən 8 milyon 762 min 509 turist gəlib.
Bu da 2016-cı ilin müvafiq dövrü ilə müqayisədə 5,55 faiz artım deməkdir.
Turistlərin milliyyətinə gəlincə, ilk sıranı yenə ruslar zəbt ediblər. Bu ilin ilk 5 ayında Rusiyadan Türkiyəyə 928 min 376 nəfər turist gəlib.
Gürcüstandan 874 min 955, Almaniyadan 863 min 572, Azərbaycandan 243 min 421, İraqdan 239 min 996 turist Türkiyəyə səfər edib.
Gələn turistlərin 10.59 faizini ruslar, 9.99 faizini gürcülər, 9.86 faizini almanlar təşkil edib.
L.Ə.