ABŞ-a səfərlə bağlı viza qaydaları sadələşdirildi
ABŞ-a səfərlə bağlı viza qaydaları sadələşdirildi
Azərbaycanda ABŞ-a viza almaq prosesi daha sadə olub. ABŞ-ın Azərbaycandakı səfirliyi konsulluqda müştəri xidmətlərinin təkmilləşdirilməsi, viza prosesinin sürətlənməsi və ABŞ vizalarını yeniləmək məqsədilə təcrübəli ərizəçilər üçün Müsahibəsiz Güzəştli Viza Proqramını elan edib.
Oxu.Az xəbər verir ki, seyahetchi.com bu barədə səfirliyə istinadən məlumat yayıb.
Bəlli olub ki, artıq bütün tələblərə cavab verən, öz vizalarını təzələmək istəyən və vizalarının müddətinin başa çatmasına 12-48 ay qalmış Azərbaycan vətəndaşlarının konsulla görüşmələri tələb olunmayacaq.
Təcrübəsi olan ərizəçilər yalnız viza üçün ərizə formasını doldurmalı, DS-160 tamamlanmış ərizə formasının sürətini çıxartmalı, viza rüsümunu ödəyib, vacib olan sənədlərin hamısını Visa Document Courier Services (Viza Sənədlərin Kuryer Xidmətinə) təqdim etməlidirlər.
L.Ə.