Yaşamaq üçün dünyanın ən yaxşı şəhəri

Yaşamaq üçün dünyanın ən yaxşı yeri Avstraliyanın Melburn şəhəri seçilib. Bu şəhər Avstraliyanın ikinci ən böyük və kosmopolit şəhəridir.

Oxu.Az Anadolu Agentliyinə istinadla xəbər verir ki, bu, “The Economist Intelligence Unit” tərəfindən dünyanın 140 şəhəri arasında aparılan araşdırma nəticəsində bəlli olub.

Melburn sabit, təhlükəsiz, sağlam mühit, mədəniyyət və təhsil sahələri də daxil olmaqla mümkün 100 baldan 97,5-ini toplayıb.

Qeyd edək ki, artıq 7 ildir bu şəhər “dünyanın yaşamaq üçün ən yaxşı bölgəsi” seçilir.

www.oxu.az