Noy
2018
14:00
21
767
24166
Virtual karabakh

BŞİH: Qəzada ölən qadın süpürgəçi deyil - YENİLƏNİB + VİDEO

8 Noy, 2018
14:00
24166

BŞİH: Qəzada ölən qadın süpürgəçi deyil - YENİLƏNİB + VİDEO

Bizim WhatsApp kanalımıza buradan abunə ola bilərsiniz

Bakıda faciəli şəkildə ölən qadını avtobus yolu süpürərkən deyil, yolu keçərkən vurub.

Bu barədə Oxu.Az-a Bakı Şəhər İcra Hakimiyyətindən (BŞİH) bildirilib.

Qeyd edilib ki, Bəsti Dostəli qızı Eyvazova üç il əvvələ qədər Nizami rayon Mənzil-Kommunal Təsərrüfatı Birliyinin 34 saylı Mənzil-Kommunal və Texniki Xidmət sahəsində çalışıb:

“Bəsti Dostəli qızı Eyvazova 2015-ci ildən orada çalışmırdı”.

Qeyd edək ki, qadın hadisə yerində dünyasını dəyişib. Faktla bağlı Nizami rayon Polis İdarəsi tərəfindən cinayət işi başlanıb, istintaq aparılır.

Hadisəni törədən sürücü saxlanılıb.

12:28

Səhər saatlarında Bakının “Neftçilər” metrostansiyası yaxınlığında qəza nəticəsində ölən süpürgəçi qadınının kimliyi məlum olub.

Bu barədə Oxu.Az-a Bakı şəhər Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov məlumat verib.

O bildirib ki, qadın hadisə yerində həyatını itirib:

“Bu gün səhər saat 07:00-da paytaxtın Nizami rayonu Qara Qaryev prospektində “90-DX-135” dövlət nişanlı, “Hyundai” markalı avtomobili idarə edən Şirinov Vurğun Yavər oğlu həmin ərazidə təmizlik işləri aparan 1948-ci il təvəllüdlü Eyvazova Bəsti Dostəli qızını vurub. Qadın aldığı xəsarətdən hadisə yerində dünyasını dəyişib. Hadisə ilə bağlı Nizami rayonu polis idarəsində cinayət işi qaldırılıb”.

10:37

Səhər saatlarında Bakının “Neftçilər” metrostansiyası yaxınlığında süpürgəçi qadını maşın vurub.

Oxu.Az xəbər verir ki, hadisə şahidinin sözlərinə görə, servis maşınının törətdiyi qəza nəticəsində təxminən 50 yaşlarında olan qadın dünyasını dəyişib.

Könül Cəfərli
Göndərdi: Qismət Kərimov 

www.oxu.az

Bizimlə əlaqə saxlayın

Digər Baku TV xəbərləri