ABŞ-ın Minsk qrupunda yeni həmsədri təyin olundu

ABŞ-ın ATƏT-in Minsk qrupunda müvəqqəti həmsədri təyin olunub.

Oxu.Az-ın ABŞ-ın Azərbaycandakı səfirliyinə istinadən verdiyi məlumata görə, gələn ilin yanvarından müvəqqəti olaraq bu vəzifəni Riçard Hoqland icra edəcək.

Hazırkı həmsədr Ceyms Uorlikin səlahiyyət müddəti dekabrın 31-də başa çatır.

Daimi həmsədrin adı isə yaxın vaxtlarda məlum olacaq.

Riçard Hoqland 30 illik diplomatik təcrübəyə malikdir. O, ABŞ-ın Tacikistan və Qazaxıstanda səfiri, Pakistanda isə səfirin müavini vəzifələrində çalışıb.

E.Ə.
www.oxu.az