Avq
2017
11:21
238
19
17583
Virtual karabakh

Erməni generalın ordumuz haqda yazdığı məktub ələ keçirildi - FOTOFAKT

8 Avq, 2017
11:21
17583

Erməni generalın ordumuz haqda yazdığı məktub ələ keçirildi - FOTOFAKT

Bizim WhatsApp kanalımıza buradan abunə ola bilərsiniz

Erməni ordusunda son dövrlər hərbi xidmətdən yayınma, postu özbaşına qoyub aradan çıxma halları kütləvi hala çevrilib.

Oxu.Az ölkə.az-a istinadən xəbər verir ki, ermənilər əvvəlcə bu halların üstünü ört-basdır etmək istəsələr də, artıq vəziyyət nəzarətdən çıxmaq üzrədir. Heç də təsadüfi deyil ki, qondarma respublikanın müdafiə ordusunun komandanı Levon Mnatsakanyan qondarma respublikanın qondarma baş prokuroruna məktub yazıb.

“Dağlıq Qarabağ Respublikasının baş prokuroru Artur Mosiyana

İyul ayının əvvəlində Azərbaycanın Silahlı Qüvvələrinin Füzuli istiqamətində yerləşən Alxanlı kəndində yerləşən hərbi hissədən həyata keçirdikləri raket atəşlərindən sonra, Dağlıq Qarabağ Respublikasının Müdafiə ordusunun bir qrup hərbi qulluqçusu panikaya düşərək öz döyüş postlarını tərk edərək qaçıblar.

Təəssüflə qeyd etmək lazımdır ki, qarşı tərəfin əməliyyatlarından sonra yaranan panika əhval-ruhiyyəsindən sonra, eyni hərbi hissənin müddətli  xidmət edən bir qrup hərbçisi Qarabağ Respublikasının (!) ərazisini özbaşına tərk etməyə cəhd ediblər. Lakin onlara Kəlbəcər polis postundan keçmək nəsib olmayıb.

Xoşbəxtlikdən eyni gün postları özbaşına tərk edən əsgərlər Qarabağ-Ermənistan yolunda bir qrup zabit tərəfindən saxlanılaraq həbs ediliblər. Həbs edilənlər daha sonra komandirlərin nəzarəti altına alınıblar. Sorğu-sual zamanı postdan qaçan əsgərlər suallara cavab verməkdən imtina ediblər.

Lakin, sadəcə, bu hərbçilərin gözlərinə baxmaqla aydın olurdu ki, bir illik xidmətdə olan əsgərlərin panikaya düşmək səbəbi  düşmənin artilleriya atəşindən irəli gələn qorxudur.

Cənab Mosiyan, həmin addımı atan əsgərlər öz silahdaşlarını təhlükə altına qoyaraq hərbi davranış qaydalarını, nizam və intizamı pozublar.

Eyni zamanda, xahiş edirik ki, həmin əsgərlərin əməlləri və məsuliyyətsizliyi nəzərə alınaraq  qanuna müvaffiq layiqli cəza tətbiq edilsin”.

Məktubdan da göründüyü kimi, qondarma rejim artıq öz silahlı qüvvələrinə nəzarəti itirib, işğalçı dövlət əsgər və zabit heyətinə nəzarət etməkdə çətinlik çəkir.

A.M.

www.oxu.az

Bizimlə əlaqə saxlayın

Digər Müharibə xəbərləri