Rusiyalı ekspert Bakını “İsgəndər”lə vurmağı təklif etdi - VİDEO
Rusiyalı ekspert Bakını “İsgəndər”lə vurmağı təklif etdi - VİDEO
Dekabrın 1-dən 3-nə qədər Yerevanda MDB ölkələri İnstitutu tərəfindən təşkil edilən və “Lazarev klubu”nun geniş iclası keçirilib. Klubun rəhbəri isə erməniyönümlü Konstantin Zatulindir.
Bu barədə Oxu.Az-a İnformasiyalar təşəbbüsü Mərkəzinin rəhbəri, jurnalist Fuad Abbasov məlumat verib.
Onun sözlərinə görə, iclas zamanı Zatulinin müavini, rusiyalı hərbi ekspert Vladimir Yevseyev “Dağlıq Qarabağ zonasındakı vəziyyətin hərbi-siyasi xüsusiyyətləri” mövzusunda hesabat təqdim edib.
“Erməniyönümlü ekspert bildirib ki, Azərbaycan Silahlı Qüvvələrinin üstünlüyünü guya erməni tərəfi Rusiyadan alınan silahlar sayəsində aradan qaldırıb”, - F.Abbasov deyib.
Yevseyevin hesabatından sitat:
“İsgəndər” operativ-taktiki kompleksləri Ermənistana Bakıya cavab zərbəsi endirməyə imkan verəcək, bu da Azərbaycan tərəfi üçün ciddi maneədir”.
F.Abbasov həmçinin Oxu.Az-a Yevseyevin iclasdakı çıxışının videosunu təqdim edib:
Oxu.Az yeniləndi!