Azərbaycanlılar ordu üçün 57 milyon manat pul toplayıblar
Azərbaycanlılar ordu üçün 57 milyon manat pul toplayıblar
Fond 17 avqust 2002-ci il tarixli sərəncamı ilə yaradılıb.
Azərbaycan Silahlı Qüvvələrinə Yardım Fonduna toplanan vəsait iyul ayında 764 962 manat artıb.
Oxu.Az Müdafiə Nazirliyinin (MN) saytına istinadən xəbər verir ki, sentyabr ayının 1-nə qədər Silahlı Qüvvələrə Yardım Fondunun Azərbaycan manatı ilə olan hesabına yığılan vəsait 57 milyon 154 min 936 AZN, ABŞ dolları ilə hesabına yığılan vəsait 211 791 dollar, avro hesabındakı vəsait isə 593 avro təşkil edib.
Qeyd edək ki, Silahlı Qüvvələrə Yardım Fondu Azərbaycan prezidentin 17 avqust 2002-ci il tarixli sərəncamı ilə yaradılıb.
Sərəncama əsasən, Silahlı Qüvvələrə Yardım Fondu respublika ərazisində fəaliyyət göstərən fiziki və hüquqi şəxslərdən könüllü olaraq daxil olan vəsait və qanunvericiliklə qadağan olunmamış digər daxilolmalar hesabına formalaşır.