Qarabağın son - GÖRÜNTÜLƏRİ
Qarabağın son - GÖRÜNTÜLƏRİ
Dağılmış yollar, xaraba qalmış şəhərlər və kəndlər...
Bir sıra Rusiya KİV-ləri bu gün Azərbaycanın Ermənistan tərəfindən işğal edilmiş ərazilərindən fotossesiya dərc ediblər.
Oxu.Az-ın ANS PRESS-ə istinadən məlumatına görə, əsasən Ağdam və Şuşanın görüntüləri yer alan bəzi şəkillər “Kabus şəhərlər” başlığı altında dərc olunub.
Yüz il qabaq Osmanlı imperiyasında baş vermiş faciəli hadisələrə görə Ermənistanın Türkiyəyə qarşı iddialara toxunan rus jurnalistlər erməni başkəsənlərin işğal etdikləri əraziləri xaraba qoyduğunu vurğulayırlar:
“Azərbaycanın bir zaman müxtəlif millətlərin yaşadığı çiçəklənmiş bu ərazisi indi təravətini itirib. Dağılmış yollar, xaraba qalmış şəhərlər və kəndlər, infrastrukturun olmaması göstərir ki, status-kvo qaldıqca, erməni seperatçıları tərəfindən blokadaya salınmış Dağlıq Qarabağın heç bir gələcəyi yoxdur”.
