İraq ordusu Telafərin azad edilməsi əməliyyatına başladı

Bu gün İraq ordusu Telafər şəhərinin İŞİD terrorçularından təmizlənməsi əməliyyatına başlayıb.

Oxu.Az APA-ya istinadən xəbər verir ki, bunu İraq baş naziri Haydar əl-İbadi bəyan edib.

İraq baş naziri terrorçuların təslim olmaq və ölüm arasında seçim etmək imkanı olduğunu söyləyib.

Qeyd edək ki, türkmən şəhəri olan Telafər 2014-cü ildə İŞİD-in nəzarətinə keçib. Telafər İraqda İŞİD terrorçularının nəzarətində olan son böyük şəhərdir. Telafər Mosulla Suriya sərhədi arasında strateji mövqedə yerləşir.

A.M.

www.oxu.az