Məşhur müğənni eyvandan yıxılaraq həyatını itirdi

Türkiyənin arabesk musiqi sənətçisi Hüseyn Altın evinin eyvanından yıxılaraq vəfat edib.

Oxu.Az xəbər verir ki, bu barədə Türkiyə mətbuatı məlumat yayıb.

O, dərhal çatdırıldığı Gaziosmanpaşa xəstəxanasında bütün tibbi müdaxilələrə baxmayaraq həyatını itirib.

1 aprel 1958-ci ildə Ərzurumda doğulan Hüseyn Altın Türkiyədə ilk uşaq sənətçi olaraq tanınıb.

“Neden saçların beyazlanmış arkadaş?”, “Dargınım”, “Hasret akşamları” adlı mahnıları ilə məşhurlaşmış ifaçı “Şerefimle yaşarım”, “Hor görme garibi”, “Aşk sürgünü”, “Gecelerin adamı” və “Kadersizler” kimi  filmlərdə rol almışdı.

Aytən Sadıqzadə
www.oxu.az