Braziliya həbsxanasında qiyam: 30 nəfər ölüb

Braziliyanın şimalındakı Riu-Qrandi-du-Norti ştatında həbsxanada yanvarın 14-də axşam saatlarında baş verən qiyam nəticəsində ən azı 30 nəfər ölüb. 

Oxu.Az xəbər verir ki, bu barədə “Reuters” agentliyi məlumat yayıb. 

Daha öncə on nəfərin öldüyü haqqında məlumat yayılmışdı, onlardan üçünün başının kəsildiyi bildirilmişdi. 

Agentlik qeyd edir ki, ölənlərin sayı daha çox ola bilər. Həbsxananın 620 nəfər üçün nəzərdə tutulmasına baxmayaraq, orada 1200-ə yaxın məhbusun saxlanıldığı bildirilir. 

N.O.
www.oxu.az