Qırğızıstan hökumətindən ölənlərin ailələrinə 1000 dollarlıq yardım

Qırğızıstan hökuməti Türkiyə Hava Yollarına məxsus “Boeing 747” yük təyyarəsinin qəzaya düşməsi nəticəsində ölən və yaralananların ailələrinə birdəfəlik yardım ayırıb.

Oxu.Az Qafqazinfo-ya istinadən xəbər verir ki, bu barədə xarici KİV məlumat yayıb. 

Məlumata görə, hökumət hər ailəyə yardım qismində təxminən min dollar verəcək.

Qeyd edək ki, “Manas” aeroportundan 1,5 kilometr uzaqlıqda təyyarənin qəzaya düşməsi nəticəsində 17-si uşaq olmaqla, 38 nəfər ölüb.

Qırğızıstan hökuməti isə hadisənin terror aktı olması versiyasını istisna edib.

S.S.
www.xu.az