Rusiyada Atçılıq klubu çöküb: Ölənlər var – YENİLƏNİB

İlkin məlumatlara görə, Rusiyada Novosibirsk vilayətinin Berdsk şəhərinin Atçılıq klubunun çökməsi nəticəsində biri uşaq olmaqla, iki nəfər ölüb.

Oxu.Az xəbər verir ki, bu barədə RİA Novosti-yə xüsusi xidmətlərdə olan mənbə bildirib.

“İki nəfər ölüb, bir uşaq və bir böyük”, - agentliyin həmsöhbəti bildirib. Onun sözlərinə görə, daha iki nəfər xəsarət alıb.

Qəzanın baş verdiyi 500 kv.m-i əhatə edən ərazidə 100 xilasedici və 23 ədəd texnika cəlb edilib. Dağıntıların aradan qaldırılmasına dair işlər davam edir.

Məlumata görə, dağıntılar zamanı iki at tələf olub. 

16:14

Novosibirsk vilayətində Berdsk şəhərində Atçılıq klubu qismən çöküb.

Oxu.Az xəbər verir ki, bu barədə RİA Novosti-yə FHN-in Sibir üzrə regional mərkəzindən bildiriblər. 

Klub ərazisində hadisə zamanı insanlar ola bilərdi. Hadisə yerinə xilasedicilər cəlb edilib. 

İlkin məlumata görə, qəzanın baş verdiyi sahə 500 kv.m-i əhatə edir. Zərərçəkənlər haqqında məlumat dəqiqləşdirilir. 

FHN-in Sibir üzrə regional mərkəzində əməliyyat qərargahları yaradılıb, dağıntıları aradan qaldırmaq üçün 40-dan çox xilasedici və 15 ədəd texnika cəlb edilib. 
 
N.O.
www.oxu.az